«Қалың қалай, бастауыш ұйым?»

20.12.2024

ЕМХАНАДАҒЫ ЕРКІН ӘҢГІМЕ

«SENIM» Денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігі Атырау облыстық филиалының төрағасы Майра Кашкенова Қазақстан Республикасы Кәсіподақтар федерациясының «Қалың қалай, бастауыш ұйым?» акциясы аясында облыстық балалар стоматологиялық емханасының кәсіподақ активімен кездесті.

Ашық әңгіме тұрғысында өткен бас қосуда ұжымда адал еңбекті ынталандыру, еңбекті қорғау және әлеуметтік қолдау шаралары туралы мәселелері көтерілді. Сонымен қатар, ұжымда қолайлы моральдық-психологиялық ахуал қалыптастыру маңыздылығы емхана әкімшілігі мен кәсіподақ ұйымы арасында жасақталған ұжымдық шартта көрсетілген. Олардың орындалуы, мүшелік жарнаның мақсатты жұмсалуы, қызметкерлерді ынталандыру мен шипажайларға жолдамалар беру жайы туралы пікірлер ортаға салынды.

Кездесуде филиал төрағасы Майра Кашкенова әріптестерін Тәуелсіздік күні мерекесімен құттықтап, Алматыдағы 1986 жылғы желтоқсан көтерілісіне қатысушы – бүгінгі кәсіподақ белсенділерін «SENIM» Денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігі мен филиалдың Алғыс хаттарымен марапаттады.