БАЛАЛАРҒА ҚУАНЫШ СЫЙЛАДЫ

Бүгін «SENIM» Денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігінің Атырау облыстық филиалы медицина қызметкерлерінің балалары үшін Жаңа жылдық мерекелік қызықты шараны тарту етті. Атырау қаласындағы «Атырау» (Ардагер) сауда ойын-сауық кешенінде MyKids жаңажылдық шыршасына көпбалалы, аз қамтылған және ерекше балалар тәрбилеп отырған отбасыларының 3 жас пен 13 жас аралығындағы 160 бала шақырылды.

Кең әрі әсем безендірілген залда аниматорлар өнерін тамашалаған балалар да шыршаны айнала ән шырқап, би билеп, өз өнерлерін көрсетті. Бүлдіршіндерді келе жатқан Жаңа жылмен құттықтаған Аяз Ата мен Ақша қар оларға тәттілерін таратып, мәз-мейрам күйге бөледі. Жаңа жыл қарсаңында балаларына осындай
көтеріңкі көңіл-күй сыйлаған салалық кәсіподаққа ата-аналар ризашылықтарын білдірді.